مەودا میدیا -

 

ئێوارەی دوێنێ لەلایەن گروپێکی توندڕەوی دانیمارکییەوە، لەبەردەم باڵیۆزخانەی عیراق قورئانێکی پیرۆز و ئاڵای عیراق سوتێندرا و دوای ئەوەش خۆپیشاندانەکانی عیراق زیاتر گەشەیان سەند.

 

ئێوارەی دوێنێ هەینی 21ی حوزەیرانی 2023 لە کۆپنهاگنی پایتەختی دانیمارک لەلایەن چەند توندڕەوێکی دانیمارکییەوە لەبەردەم باڵیۆزخانەی عیراق قورئانێک و ئاڵایەکی عیراق سوتێندرا.

 

دوای ئەو رووداوە ناڕەزاییەتییەکانی شەقامی عیراق زیاتر تەشەنەی سەند و بەرەبەیانیی ئەمڕۆ خۆپیشاندەران بەرەو باڵیۆزخانەی دانیمارک بەڕێکەوتن و لالیەن هێزە ئەمنییەکانەوە رێگرییان لێکرا.

 

ئەمەش لەکاتێکدایە، وەزارەتی دەرەوەی عیراق لە راگەیەندراوێکدا سەرکۆنەی سووتاندنی قورئان دەکات لە دانیمارک و داواش لە کۆمەڵگەی نێودەوڵەتی دەکات لە رێگریی لە دوبارەبوونەوەی ئەم حاڵەتە بگرن.

ڤیدیۆی ساتی سووتاندنی قورئان لەلایەن گرووپە توندڕەوەکەوە: https://t.me/mewdamedia/4783
ر.ع