مەودا میدیا-

وەزارەتی تەندروستیی عیراق لەبارەی دەرمان و شروبی (کۆڵد ئاوت) هۆشداریی دەدات و رایدەگەیەنێت ئەو شروبە کە هی منداڵانە تۆمارنەکراوە و مۆڵەتی نییە.

د.سەیف بەدر، وتەبێژی وەزارەتی تەندروستیی عیراق بە ئاژانسی هەواڵی فەرمی عیراقی ڕاگەیاند "دەرمانی (کۆڵد ئاوت) بە فەرمی لە وەزارەتی تەندروستی تۆمارنەکراوە و بڵاوبوونەوەی بە پێشێلکردنی یاسا دادەنرێت".

ئاژانسی (بلومبێرگ)ی ئەمەریکی لە راپۆرتێکدا ئاماژە بەوەدەکات "پشکنینێکی ئەم دواییە کە بۆ دەرمان و شروبی (کۆڵد ئاوت) ئەنجام دراوە كە دەرمانێکی هیندییە كە بۆ چارەسەرکردنی هەڵامەتی منداڵان لە عیراقدا فرۆشراو، دەرکەوت کە بە مادەی کیمیایی ژەهراوی پیسبووە."

س،ر