مەودا میدیا-

ئەمڕۆ شەممە 12ی ئابی 2023 بەهۆی بەرزی پلەی گەرماوە پۆلیسێک لەکاتی بە جێگەیاندنی ئەرکەکەیدا لە قەزای داقوق گیانی لەدەستدا.

بەپێی هەواڵێکی میدیا عیراقییەکان بێت ئەو پۆلیسە ئەمڕۆ لەکاتی  ئەرکدا بووە لەنزیک مەزارگەی (ئیمام زەین ئەلعابدین) بەمەبەستی پاراستنی زیارەتکاران بەهۆی ماندوێتی و گەرماوە لەهۆش خۆی چووە و کەوتووە و گواستراوەتەوە بۆ نەخۆشخانە، بەڵام لە رێگە گیانی لەدەستداوە.

میدیاکان ئەوەشیان خستووەتەڕوو، ئەو پۆلیسە ناوی (رەزا شاکر وەلی)یە و خەڵکی گوندی بەشیری ناحیەی تازەیە.

س.ر