مەودا میدیا-

كۆمسیۆنی باڵای سەربەخۆی هەڵبژاردنەكان لە عیراق وادەی دەستپێكردنی بانگەشەی هەڵبژاردنی ئەنجوومەنی پارێزگاكان ئاشكرادەكات و دوورخستنەوەی زیاتر لە 300 پاڵێوراو رادەگەیەنێت.

بەپێی كۆمسیۆنی باڵای سەربەخۆی هەڵبژاردنەكان، هەفتەی یەكەمی تشرینی دووەمی ئەمساڵ دەبێتە دەستپێكی بانگەشەی هەڵبژاردنی ئەنجوومەنی پارێزگاكانی عیراق.

ئاماژە بەوەشكراوە، هەتا ئەمڕۆ هەینی 20ی تشرینی یەكەم، زیاتر لە 300 پاڵێوراوی هەڵبژاردنەكان لە پرۆسەكە دوورخراونەتەوە بە هۆكارە جیاوازەكانی وەك (لێپێچینەوە، تاوان، كارمەند لە دەزگا ئەمنییەكان، تێرۆر، دەستپاكی و ناتەواویی پەڕاوەكان).

هاوكات بڕیارە لە یەكەمین هەفتەی مانگی داهاتوو ناوی تەواوی پاڵێوراوان بۆ هەڵبژاردنەكان لەلایەن كۆمسیۆنەوە ئاشكرابكرێت و لە هەمان هەفتەدا بانگەشە دەستپێبكات.

ژ.ع