مه‌ودا میدیا - 

سه‌رچاوه‌كانی هه‌واڵی عیراق بڵاویانكرده‌وه‌، كه‌مێك پێش ئێستا له‌ ده‌وروبه‌ری مه‌خمور سه‌ر به‌پارێزگای نه‌ینه‌وا له‌نێوان هێزه‌كانی پێشمه‌رگه‌ و چه‌كدارانی حه‌شدی شه‌عبی شه‌ڕ روویدا. 

به‌گوێره‌ی زانیارییه‌كان، ئێوارەی ئەمڕۆ یەکشەممە، شەڕ لەنێوان هێزێكی پێشمه‌رگه‌ و چه‌كدارانی حەشدی شەعبی له‌ سه‌ر چیای قه‌ره‌چووخ روویداوه‌ و له‌ ریزه‌كانی پێشمەرگەدا شه‌هیدێك و چه‌ند بریندارێك هه‌ن.

 

هەفتەی رابردوو سوپای عیراق به‌پێی رێككه‌وتنێك چه‌ند بنكه‌یه‌كی سه‌ربازیی له‌ په‌كه‌كه‌ وه‌رگرته‌وه‌ و چه‌كدارانی سه‌ر به‌ حه‌شدی شه‌عبی له‌و خاڵانه‌دا دانراون، تا ئێستا سه‌رچاوه‌ ئه‌منییه‌كان هیچ زانیارییه‌كیان له‌باره‌ی رووداوه‌كه‌وه‌ بڵاونه‌كردووه‌ته‌وه‌.