مه‌ودا میدیا - 

دادگای باڵای تاوانه‌كانی عیراق ئاشكرایكرد، دۆسه‌ی حزبی به‌عسی عیراق یان دۆسیه‌ی 55 داواكراوی به‌عس كه‌ ئه‌مه‌ریكا ئاماده‌ی كردووه‌، جارێكی گه‌ڕایه‌وه‌ بۆ دادگاییكردن.

به‌گوێره‌ی لێدوانی دادگای باڵای تاوانه‌كانی عیراق، كه‌ رۆژنامه‌ی شه‌رقولئه‌وسه‌تی سعودیی بڵاویكرده‌وه‌، له‌ناو دۆسیه‌ی به‌عسدا لێكۆڵینه‌وه‌ و بڕیاری تایبه‌ت به‌ خێزان و بنه‌ماڵه‌ی سه‌دام حسین هه‌یه‌ كه‌ تایبه‌ت به‌ بابه‌تی به‌هه‌ده‌ردانی سه‌روه‌تی عیراق و هیچ كه‌سێكیان لێبوردنی گشتیی یان تایبه‌ت نابێت بیانگرێته‌وه‌.

ئه‌وه‌ش له‌كاتێكدایه‌، هه‌فته‌ی رابردوودا دادگای عیراق حه‌وت ساڵ زیندانیی به‌شێوه‌ی غیابیی بۆ ره‌غه‌د كچی سه‌دام حسین بڕییه‌وه‌، به‌تۆمه‌تی بانگه‌شه‌كردن بۆ حزبی به‌عس.