مه‌ودا میدیا - 

هاوكات له‌گه‌ڵ راگه‌یاندنی هه‌ڵوێستی جیاواز سه‌باره‌ت به‌ دۆسیه‌ی غه‌زه‌ له‌ عیراق، حكومه‌ت رایگه‌یاند، ته‌نها هه‌ڵوێستی ره‌سمیی عیراق ئه‌و هه‌ڵوێسته‌یه‌ كه‌ حكومه‌تی به‌غدا به‌گوێره‌ی ده‌ستوور رایده‌گه‌یه‌نێت. 

محه‌مه‌د شیاع سودانی، سه‌رۆك وه‌زیرانی عیراق له‌ كۆنگره‌ی باڵیۆزه‌كان له‌ عیراق ته‌ئكیدی له‌وه‌كرده‌وه‌، هه‌ڵوێست گه‌وره‌كان كاری حكومه‌تی به‌غدا و له‌چوارچێوه‌ی به‌رژه‌وه‌ندیی گه‌ل و به‌پێی ده‌ستوور ده‌خرێته‌ڕوو.

ئه‌وه‌ش له‌كاتێكدایه‌، چه‌ندین گرووپی چه‌كداریی له‌ عیراقه‌وه‌ هه‌ڵوێستی جۆاوجۆریان سه‌باره‌ت به‌ ئیسرائیل و ئه‌مه‌ریكا خستووه‌ته‌ڕوو، به‌جۆرێك هه‌ندێكیان داوای داخستنی باڵیۆزخانه‌ی ئه‌مه‌ریكا له‌ عیراق ده‌كه‌ن.