مەودا میدیا-

بەڕێوبەرایەتی گشتیی پەروردەیی سلێمانی ئاگادرای سەرجەم کارمەندان و فەرمانبەرانی بەڕێوبەرایەتییەکەی دەکاتەوە کە لەکاتی دابەشکردنی مووچەدا سەردانی دیوانی بەڕێوبەرایەتی نەکەن و خۆیان مووچەکانیان دەبن بۆ ماڵەوە.

بەڕێوبەرایەتی گشتیی پەروردەیی سلێمانی لە ئاگاداری نامەیەکدا رایگەیاندووە "بۆ گشت کارمەندان و فەرمانبەرانی بەڕێوەبەرایەتی گشتیمان، لە پێناو جێ بە جێ کردنی ڕێنماییە تەندروستییەکان و ڕێنماییەکانی وەزارەتی ناوخۆ و لیژنەی بەرەنگاربوونەوەی ڤایرۆسی کۆرۆنا داواکارین سەردانی دیوانی بەڕیوەبەرایەتی گشتیمان نەکەن بۆ وەرگرتنی مووچەکانیان بۆ ئەو مەبەستە بەڕێوەبەری بەڕێوەبەرێتییەکان مووچەی فەرمانبەرانیان وەردەگرن و دەیگەیەننە ماڵەکانتان".

جێگای ئاماژەیە، بەپێی ئەو خشتەیەی وەزارەتی دارایی و ئابووری حکومەتی هەرێمی کوردستان بڵاویکردووەتەوە رۆژی یەکشەممە و دووشەممە مووچەی وەزارەتی پەروردە دابەش دەکرێت.