مەودا میدیا-

بەمەبەستی پاراستنی سەرو ماڵی هاوڵاتیان، هێزەكانی پۆلیسی بەرگری شارستانی سلێمانی كەوتنە حاڵەتی ئامادەباشییەوە.

رێكان جەمال، وتەبێژی بەرگری شارستانی سلێمانی بە مەودا میدیای راگەیاند "بەهۆی ئەو شەپۆلە باران بارینەی كە ناوچەكەی گرتوەتەوە و بارانێكی بە خوڕ لە شاری سلێمانی و دەوروبەری دەبارێت بەهۆیەوە سەرجەم هێزەكان خراونەتە ئامادەباشییەوە".

ئەوەشی خستەڕوو "سەرجەم بنكەكانی بەرگری شاری سلێمانی لە گەڕەكان لە ئامادەباشیدان بۆ پاراستنی سەرو ماڵی هاوڵاتیان لە حاڵەتێكدا ئەگەر لافاو هەستاو ئاو رۆشتە ماڵی هاوڵاتیان".

باسی لەوەشكرد "تائێستا هیچ ماڵێك ئاو نەچوەتە ناوی و دەخوازین هیچ حاڵەتێكی لەو شێوەیە روونەدات".