مەودا میدیا-

به‌‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی کوردستان پێشبینییەکانی كه‌شوهه‌وای ئه‌مڕۆ یەکشەممە 29ی ئادار و سبه‌ی دووشەممە 30ی ئاداری 2020ی ناوچه‌ جیاجیاكانی هه‌رێمی كوردستانی بڵاوكرده‌وه‌.

به‌‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی کوردستان رایگەیاندووە "کاریگەرى نزمە پاڵەپەستۆی دەریاى سوورو دەریاى ناوەڕاست هەندێ کات چالاک دەبێت بۆیە باران بارین بەردەوامى دەبێت بۆ ئەمڕۆ و سبەى".

ئاماژەی بەوەشکردووە "پێشبینى دەکرێت ئەو ناوچانەى باران بارینى بە لێزمەى هەبێت بۆ سبەى بریتین لە حاجى ئۆمەران رواندز سۆران بارزان مێرگەسوور شەقڵاوە و هەندێ ناوچەى دەوروبەرى - ئامێدى ئاکرێ سەرسەنگ  -ڕانیە و چوارقوڕنە و ناوچەکانى دەوروبەرى )".

ئەوەشی خستووەتەڕوو "جگە لە باران بارین سبەى پێشبینى بارینى تەرزە دەکرێت بە تایبەتى لەو ناوچانەى ئاماژەمان پێ کردووە لە کاتى باران، هەروەها کاریگەرى ئەم شەپۆڵە چالاکە سبەى ئێوارە کۆتاى دێت، بەڵام باران بارین بە شێوەى پچڕ پچڕ لەسەر ناوچەکەمان بەردەوامى دەبێت".

به‌پێی پێشبینییه‌كانی كه‌شناسی کەشوهەوای 48 کاتژمێری داهاتوو لە شارەکانی هەرێمی کوردستان بەمشێوەیەی خوارەوەیە.