مەودا میدیا-

بەڕێوەبەرایەتی گشتی تەندروستی راپەڕین ئەو كەسانە ئاگادار دەكاتەوە كە لە سەرەتای ئەم مانگەوە لە وڵاتانی ئەوروپا گەڕاونەتەوە ناوچەكە، سەردانی سەنتەری کۆنتڕۆڵکردن و چارەسەرکردنی نەخۆشیە گوازراوەکانی رانیە بكەن.

بەڕێوەبەرایەتی گشتی تەندروستی راپەڕین رایدەگەیەنێت "ئاگاداری بۆ هەموو ئەو هاووڵاتییانەی لە وڵاتانی ئەوروپا لەبەرواری 3/1 تاوەکو 3/14 گەڕاونەتەوە، سبەینێ دووشەممە بەرواری 30/3/2020 لە سەنتەری کۆنتڕۆڵکردن و چارەسەرکردنی نەخۆشیە گوازراوەکانی رانیە ئامادەبن".

ئاماژە بەوەشکراوە "سەردانیکردنەکە بە مەبەستی وەرگرتنی سامپڵ لێیان بۆ ئەنجامدانی پشکنینی ڤایرۆسی کۆرۆنا".