مەودا میدیا-

بەڕێوەبەرایەتی گشتی فڕۆكەخانەی ھەولێر لە راگەیەندراوێكدا رەتیدەكاتەوە، ھیچ كارمەندێكی ئاسایش لە فڕۆكەخانەكە تووشی كۆرۆنا بووبێت.

لە راگەیەندراوەكەی بەڕێوەبەرایەتی گشتی فڕۆكەخانەی ھەولێر هاتووە "دوا بەدوای بڵاوبوونەوەی دەنگۆی تووشبوونی کارمەندێکی بەڕێوەبەرایەتی ئاسایشی فڕۆکەخانە نێودەوڵەتی ئەربیل بە ڤایرۆسی کۆرۆنا، لە چەند پەیجێکی تۆڕە کۆمەڵایەتییەکان. وەکو بەڕێوەبەرایەتی گشتی فڕۆکەخانەی نێودەوڵەتی ئەربیل سەر لە بەری ئەم هەواڵانە رەتدەکەینەوە و هاوڵاتییانی خۆشەویست دڵنیا دەکەینەوە کە بە هیچ شێوەیەک تائێستا حاڵەتی تووشبووی ئەم ڤایرۆسە لە ناو کارمەندانی فڕۆکەخانە بوونی نییە".

ئاماژە بەوەشکراوە "بە توندترین شێوە ئیدانەی بڵاوکردنەوەی ئەم دەنگۆیانە دەکەین، داوا لە لایەنی پەیوەندیداریش دەکەین رێکاری یاسایی بەرامبەریان بگیرێتە بەر. بۆ راستی هەر بابەتێک تەنها پشت بە راگەیاندراوی وەزارەتی تەندروستی حکومەتی هەرێمی کوردستان دەبەستین".