مەودا میدیا-

قائیمقامی قەزای دوکان رایگەیاند، توانییان کێشەی ئەو بارهەڵگرانە چارەسەر بکرێت کە گیریان خواردبوو نەیان دەتوانی لە بازگەکان بچنەوە سنوری شاری سلێمانی.

سیروان سەرحەد، قائیمقامی قەزای دوکان بە مەودا میدیای رایگەیاند "بەهۆی قەدەغەی هاتووچۆوە کێشە بۆ بارهەڵگرەکان دروستبووبوو نەیاندەتوانی لە بازگەکانەوە بچنەوە ناو سلێمانی، چونکە ژمارەیەکی زۆریش هاوڵاتی لەو بازگانە بوون".

ئەوەشی خستەڕوو "دوای ماوەیەک توانرا کێشەی ئەو بارهەڵگرانە چارەسەر بکرێت و بچنەوە ناو سلێمانی، گرفتەکانیان چارەسەربوو رێنماییەکان وەک خۆیان جێبەجێ دەکرێن".