مەودا میدیا-

ئێوارەی ئەمڕۆ شەممە، تەقینەوەیەك لە سنوری گوندی هانەی دنی سەر بە ناحییەی بیارە روویداوە و بەپێی سەرچاوەكانی مەودا میدیا ئەو تەقینەوەیە لە نزیك سەربازگەیەكی پاسدارانی ئێران بووە.

زیاتر لە چەند سەرچاوەیەك ئەوەیان بۆ مەودا میدیا دوپاتكردەوە، تەقینەوەكە بەهێز بووە و لە سنوری گوندی هانەیدن لە نزيك شاخی هانەی تا كە هاوسنورە لەگەڵ كۆماری ئیسلام ئەو تەقینەوەیە روویداوە.

هەر بەپێی زانیارییەكان باس لەوەدەكرێت  ئەو تەقینەوەیە لە نزيك سەربازگەیەكی سوپای پاسداران لە روویداوە، لە ناوچەیەك كە پێی دەوترێت رێگا سورە و دەكەوێتە نزیك گوندی هانەی دن.

فەخرەدین عەبدوڵا، ئامر لیوای سێی پاسەوانی سنور وێڕای پشتڕاستكردنەوەی زانیارییەكانی مەودا میدیا هاوكات وتی "تەقینەوەكە لە شاخێكی نزیكی گوندی هانەی دن بووە و بەپێی زانیارییەكانی ئێمە مینێكی كۆن بووە، تەقیوەتەوە بە  دوو هاوڵاتی دانیشتوی پارێزگای هەڵەبجە و كە بۆ گیایی بەهارە سەردانی شاخەكەی كردووە ".

وتیشی "بەهۆیەوە یەكێك لە هاوڵاتییەكان گیانی لە دەستداوە و یەكێكی تریان بریندارەو قاچی پەیڕوە و ڕەوانەی نەخۆشخانەی سلێمانی كراوە".