مەودا میدیا-

وەزارەتی ناوخۆی حکومەتی هەرێمی کوردستان روونکردنەوەیەکی لەبارەی بڕیاری قەدەغە کردنی هاتووچۆ وەک رێککاریەک بۆ رێگریکردنی لە بڵاوبوونەوەی ڤایرۆسی کۆرۆنا بڵاوکردەوە رایدەگەیەنێت هەتا راگەیاندنی بەیانی نوێ، قەدەغەی هاتووچۆ بەم شێوەی ئێستا بەردەوام دەبێت.

لە روونکردنەوەکەی وەزارەتی ناوخۆی حکومەتی هەرێمی کوردستان  هاتووە "زۆر سوپاسی هاوڵاتیان دەکەین بۆ پابەندبوونیان بە رێنامییەکانی حکومەتی هەرێمی کوردستان بۆ بەرەنگاربوونەوەی پەتای کۆرۆنا". 

ئاماژە بەوەشکراوە "وەزارەتی ناوخۆ ئێستا خەریکی تاوتوێکردنی پێشنیارەکانی بەڕێز پارێزگار و سەرپەرشتیاری ئیدارە سەربەخۆکانە وبەم نزیکانە بەیانێکی نوێی وەزاری دەردەکرێت بۆ دەستنیشانکردنی رێکارە نوێیەکان، هەتا راگەیاندنی بەیانی نوێ قەدەغەی هاتووچۆ بەم شێوەی ئێستا بەردەوام دەبێت".