مەودا میدیا-

لە ناو یەكێك لە نەخۆشخانەكانی شاری سلێمانی 11 پزیشك تووشی ڤایرۆسی كۆرۆنا بوون، بەڵام بەردەوامن لە چارەسەركردنی تووشبووانی كۆرۆنا.

بەپێی ئەو زانیارییانەی كە بە مەودا میدیا دراوە" لە ناو نەخۆشخانەی شەهید ئاسۆ لە شاری سلێمانی كە تایبەت كراوە بە تووشبووانی كۆرۆنا 11 پزیشك و كارمەندی تەندروستی تووشی كۆرۆنا بوون و ئێستا لەژێر چاودێریدان".

هەروەها بەپێی راگەیەندراوێكی سەندیكای كارمەندانی تەندروستی سلێمانی "ئەو پزیشك و كارمەندانە ئەگەرچی تووشی ڤایرۆسەكە بوون بەڵام بەردەوامن لە چارەسەركردنی ئەو هاوڵاتیانەی كە تووشی كۆرۆنا بوون".