کوردستانی
هەواڵێكی خۆش لە تەندروستی دەربەندیخانەوە
مەودا میدیا - سلێمانی |
مەودا میدیا-
بەڕێوەبەری گشتی تەندروستی قەزای دەربەندیخان رایدەگەیەنێت، هیچ حاڵەتێكی مەترسیداری تووشبوو بە كۆرۆنا لە ناوچەكەمان نییە و دەشڵێت، دۆخەكە لە كۆنترۆڵدایە.
سازان ئیبراهیم، بەڕێوەبەری گشتی تەندروستی قەزای دەربەندیخان بە مەودا میدیای راگەیاند "دۆخی دەربەندیخان زۆر ئارام و جێگیرە، هاوڵاتیان پابەندن، هیچ حاڵەتێكی نوێ لە سنورەكە تۆمارنەكراوە".
ئەوەشی خستەڕوو "لە تەواوی سنوری دەربەندیخان تەنیا 13 حاڵەتی تووشبوون بە كۆرۆنا لە ناو نەخۆشخانە ماونەتەوە و ئەوانیش تەندروستیان زۆر جێگیرەو لە چەند رۆژی داهاتوو دە
گەڕێنەوە ناو كەسوكاریان".
وتیشی "هاوڵاتیان دڵنیا دەكەینەوە لە سەركەوتن نزیكین و كۆنترۆڵی ناوچەكەمان كردووە و هاوڵاتیانیش بمێننەوە لە ماڵەكانیان و پابەندی رێنماییەكان بن".
بیروڕا
