مەودا میدیا-

ئەمڕۆ چوارشەممە 2025/2/5، ئەنجومەنی وەزیرانی هەرێمی کوردستان بڕیاریدا بە بەردەوامیدان بە خەرجکردنی مینحەی مامۆستایانی ئایینی خۆبەخش، ئەمەش دوای داواکاریی مامۆستایانی ئایینی بۆ درێژکردنەوەی ماوەی پێدانی مینحەکانیان.

نەبەز ئیسماعیل، وتەبێژی وەزارەتی ئەوقاف و کاروباری ئاینی هەرێم بە مەودا میدیای راگەیاند "ئەنجومەنی وەزیران بڕیاریداوە بە درێژکردنەوەی ماوەی پێدانی مینحەی مامۆستایانی ئایینی کە بڕەکەی 250 هەزار دینارە".

ئاماژەی بۆ ئەوەشکرد "ژمارەی مامۆستایانی ئایینی خۆبەخش هەزار و 500 کەسە و پێدانی مینحەکەیان بۆ ماوەی ساڵێک درێژکراوەتەوە".

ب ح