مەودا میدیا-

کۆڵبەرێکی  خەڵکی شاری سەلاسی باوەجانی لە کاتی کۆڵبەری لە سنووری نەوسوود بە تەقەی ڕاستەوخۆی هێزەکانی پاسەوانی سنووری ئێران بریندارکرا.

ماڵپەڕی کۆڵبەر نیوز بڵاویكرده‌وه‌ "مێردمنداڵێکی تەمەن 17 ساڵان بەناوی هێژا شیری کە پیشەی کۆڵبەری دەکات، خەڵکی شاری سەلاسی باوەجانی، لە کاتی کۆڵبەری لە سنووری نەوسوودی سەر بە پارێزگای کرماشان بە تەقەی راستەوخۆی هێزەکانی ئێران بریندارکراوه‌".

ئاماژەی بۆ ئەوەشکردووە "برینی کۆڵبەرەکە سەختە و کاتێک دەستڕێژی گوللەی لێکراوە بەر کەمەری کەوتووە، ساڵی 2024، تەنها لەسنووری نەوسوود نۆ مێرمنداڵی کۆڵبەر  بریندارکراون".

ئەوەشی خستەڕوو "لە ماوەی ساڵی رابردوودا بەهۆی تەقەی هێزە چەکدارەکانی ئێران لەسنوورەکان لانیکەم مێردمنداڵێکی کۆڵبەر کوژراوە و 18 منداڵی کۆڵبەریش بریندارکراون".

ب ح