مەودا میدیا-

فەرماندەی گشتیی هێزەکانی سوریای دیموکرات (هەسەدە) لە هەژماری خۆی لە پلاتفۆڕمی ئێکس بڵاویکردەوە کە خۆشحاڵبووە بە سەردانی ئان سنۆ نێردەی بەریتانیا بۆ سوریا و وەفدی هاوڕێی.

مەزڵوم عەبدی، فەرماندەی گشتیی هەسەدە رایگەیاند "چەند پرسێکی پەیوەست بە داهاتووی سوریا و شەڕی دژی تیرۆریان لەگەڵ نێردەی بەریتانیا بۆ سوریا تاوتوێ کردوە".

ئاماژەی بۆ ئەوەشکرد "جەختیان لە گرنگیی هەماهەنگییان بۆ بەرقەرارکردنی ئاسایش و ئارامیی ناوچەکە کردووەتەوە".

ئەوەشی خستەڕوو "ئەوان چاوەڕێی درێژەدان بە دیالۆگ دەکەن بۆ بەدیهێنانی چارەسەرێکی سیاسی دادپەروەرانە و بەردەوام".

ب ح