مەودا میدیا-

وه‌زاره‌تی سامانه‌ سرووشتییه‌كانی هه‌رێم راگەیەندراوێکی بڵاوکردەوەو ره‌تیده‌كردەوە کە گرێبه‌ستی له‌گه‌ڵ هیچ كۆمپانیایه‌ك كردبێت بۆ دانانی سیستمی دابه‌شكردنی غاز به‌سه‌ر ماڵاندا.

وه‌زاره‌تی سامانه‌ سرووشتییه‌كان رایگەیاند "له‌ نزیكه‌وه‌ سه‌رقاڵی چاره‌سه‌ری كێشه‌ی به‌رزبوونه‌وه‌ی نرخی غازهن كه‌ ماوه‌یه‌كه‌ به‌هۆی شه‌پۆلی سه‌رماوه‌ خواست له‌سه‌ری زیادیکردووە و به‌هۆیه‌وه‌ نرخه‌كه‌ی به‌رزبووه‌ته‌وه‌".

ئاماژەی بۆ ئەوەشکرد "بە تووندی ئەو هەواڵانە رەتدەکاتەوە كە كەناڵێكی راگەیاندن نابەرپرسانە  باس لەوە دەكات حكومەتی هەرێم گرێبەستێکی بۆ دابەشکردنی غاز بەسەر ماڵان کردووە".

ئەوەشی خستەڕوو "حکومەت گرێبەستی لەگەڵ هیچ كۆمپانیایەک نەكردووە بۆ دانانى سیستەمی دابەشكردنی غاز بەسەر ماڵان. وەزارەتەکەیان بە مافی یاسایی خۆی دەزانێت  لە دادگا سكاڵا دژی ئەو كەناڵە تۆمار بكات".

ب ح