مەودا میدیا-
بەڕێوبەرایەتیی گشتیی دژەتیرۆر راگەیەنراوێكی بڵاو كردوە و تایایدا ئاماژەی بۆ ئەوەكردووە كە لە درێژەی هەوڵە بەردەوامەكانی بۆ راوەدوونانی پاشماوەی گروپە تیرۆرستییەكان، بەڕێوبەرایەتیی گشتیی دژەتیرۆر و هاوپەیمانی نێودەوڵەتیی ئۆپەراسیۆنێكیان ئەنجامدا بۆ چەسپاندنی ئارامیی لەو ناوچانەی كە بەشێك لە پاشماوەی تیرۆرستان وەك حەشارگە و مۆڵگە بەكاریدەهێنن.

هەر لە راگەیەنراوەكەدا ئاماژە بەوەشكراوە، دژەتیرۆر و هاوبەشە ناوخۆیی و نێودەولەتییەكانی، ئەو چاوە كراوەیە دەبن كە بست بە بست و دۆڵ بە دۆڵی عیراق و هەرێمی كوردستان بەدوای هەر مۆڵگە و حەشارگە و بارەگایەكی تیرۆرستاندا دەگەڕێن و لەناوی دەبەن.

بەڕێوەبەرایەتی دژەتیرۆر لەگەڵ راگەیەنراوەكەیدا ڤیدیۆی چالاكییەكانيشی بڵاوكردووەتەوە. 
ئ پ