مەودا میدیا-

وەزارەتی نەوتی عیراق بڵاویکردەوە بە نوێنەرایەتی کۆمپانیای نەوت و غازی باکوور، گرێبەستێکی بۆ پەرەپێدانی کێڵگەکانی ئاڤانا، بای حەسەن،  بابەگوڕگوڕ و جەمبور لە کەرکوک لەگەڵ کۆمپانیای بی پی بەریتانی واژۆ کردووە.

حەیان عەبدولغەنی، وه‌زیری نه‌وتی عیراق رایگەیاند "واژۆکردنی گرێبەستی پەرەپێدانی کێڵگەکانی کۆمپانیای نەوتی باکوور دەستکەوتێکی گەورەیە و دەبێتە زۆرترین سەرچاوەی دارایی بۆ بودجەی فیدڕاڵی".

ئاماژەی بۆ ئەوەشکرد "کارەکانی گەشەپێدان و نۆژەنکردنەوەکە کە لەلایەن  کۆمپانیای بی پی بەریتانی ئەنجام دەدرێت، بڕی بەرهەمهێنان زیاد دەکات و دەبێتە سەرچاوەیەکی باش بۆ بەرهەمهێنانی غاز و دابینکردنی کارەبا".

ب ح