مه‌ودا میدیا-

فەرماندەی گشتیی هێزەكانی سوریای دیموكرات ناسراو به‌ هەسەدە رایگەیاند، بەئامانجگرتنی جوتیارێک و منداڵەکانی لەلایەن تورکیاوە تاوانێکە دژی مرۆڤایەتیە و پێویستە لەسەر حکومەتی سوریا بەرپرسیارێتی خۆی لە ئەستۆ بگرێت.

مەزڵوم عه‌بدى، فەرماندەی گشتیی هێزەكانی سوریای دیموكرات رایگه‌یاند "داوا لە هاوپەیمانی نێودەوڵەتی و هێزە چالاکەکان دەکەین ئەم تاوانانە رابگرن و ئاگربەست لە سەرتاسەری سوریا بوه‌تە پێویستی".

ئاماژەی بەوەشكرد "ئاگربەست لە سەرتاسەری سوریا بوه‌تە پێویستیەکی رەها بۆ سەرکەوتنی قۆناغی ئینتقالی بەرەو سوریایەکی سەقامگیر و ئارام".

ئه‌وه‌ش له‌كاتێكدایه‌ شه‌وى رابردوو لە بۆردومانێكی تورکیادا تەواوی خێزانێک لە گوندەواری کۆبانی گیانیان لەدەستدا، ژماره‌یه‌كیش برینداربوون.

ع