مەودا میدیا-

بەیانی ئەمڕۆ کەسێک بە چەکەوە هەوڵیداوە بچێتە ناو بنکەی پۆلیسی قۆریە لە کەرکوک، بەڵام لەلایەن پاسەوانی بنکەکەوە رێگری لێکراوەو لە بەرانبەردا دەستی بە تەقەکردن کردووەو لە ئەنجامدا پۆلیسێک گیانی لەدەستداوە.

پۆلیسی پارێزگای کەرکوک رایگەیاند "بەهۆی تەقەی هێرشبەرەکە یەکێک لە پاسەوانی بنکەکە بە سەختی بریندار بووەو دواتر گیانی لەدەستداوە، تەقەکەرەکەش لەلایەن هێزەکانی پۆلیسەوە دەستگیرکراوە".

ئاماژەی بۆ ئەوەشکرد لێکۆڵینەوە لە رووداوەکە دەستیپێکردووەو بەپێی زانیارییە سەرەتاییەکانیش ئەو کەسەی تەقەی لە بنکەکە کردووە پێدەچێت نەخۆشی دەروونی هەبێت".

ب ح