مەودا میدیا-

فەرماندەی گشتیی هێزەکانی سوریای دیموکرات بەبۆنەی جەژنی نەورۆز و سەری ساڵی کوردییەوە پەیامێکی پیرۆزبایی بڵاوکردەوە.

مەزڵوم عەبدی، فەرماندەی گشتیی هێزەکانی سوریای دیموکرات (هەسەدە) رایگەیاند "پیرۆزبایی نەورۆز لە خەڵکی رۆژئاوای کوردستان و سوریا، شەرڤانانی هەسەدە و ئاسایشی رۆژئاوا، بنەماڵەی شەهیدان و کادر و کارمەندانی ئیدارەی خۆسەر دەکات".

ئاماژەی بۆ ئەوەشکرد "ئەم نەورۆزە دەبێتە سیمبولی یەکێتی نێوان هێزەکانی کورد لە رۆژئاوای کوردستان".

ئەوەشی خستەڕوو "پێویستە تەواوی پێکهاتەکانی سوریا لە (کورد، عەرەب، ئەرمەن و ئاشووری) دەستکەوتەکانی خۆیان بپارێزن و بەشداربن لە بەڕێوەبردنی سوریای نوێ".

ب ح