مەودا میدیا-

وتەبێژی گەشتوگوزاری سلێمانی جێبەجێکردنی پلانی رۆژانی جەژن و ئاماری هاتنی گەشتیار بۆ سنووری پارێزگای سلێمانی ئاشکراکرد.

گۆران قادر، وتەبێژی بەڕێوەبەرایەتی گشتیی گەشتوگوزاری سلێمانی بە مەودا میدیای راگەیاند "لە ماوەی سێ رۆژی جەژنی رەمەزاندا 50 هەزار گەشتیار روویان لە سنووری سلێمانی کردووە".

ئاماژەی بۆ ئەوەشکرد "ماوەی پشووی رۆژانی جەژن ئەمڕۆ و سبەینێشی ماوەو پێشبینی دەکەن ژمارەیەکی گەشتیاری زیاتر روو لە سنووری پارێزگای سلێمانی بکات و ژمارەکە بەرزببێتەوە".

ئەوەشی خستەڕوو "بۆ پێشوازیی و پێدانی رێنمایی بە گەشتیاران، تیمەکانیان پلانی رۆژانی جەژنی رەمەزانیان بە سەرکەوتوویی جێبەجێکردووە".

ب ح