مەودا میدیا-

سەرۆکی پارتی سۆسیال دیموکراتی کوردستان لە لێدوانێکی رۆژنامەوانیدا هۆشداریی دەدات لە دواکەوتنی پێکهێنانی کابینەی نوێی حکومەتی هەرێمی کوردستان.

محەمەدی حاجی مەحمود، سەرۆکی پارتی سۆسیال دیموکراتی کوردستان رایگەیاند "پێش روودانی کێشەکان و گۆڕانکارییەکانی ناوچەکە پێویستە پەلە بکرێت لە پێکهێنانی کابینەی نوێی حکومەت".

ئاماژەی بۆ ئەوەشکرد "پێدەچێت بۆ یەکێتی و پارتی کاتی زیاتریان بەدەستەوە بێت بۆ ئەوەی لەسەر هەڵبژاردنی سەرۆکایەتی پەرلەمان و سەرۆکایەتی هەرێمی کوردستان رێکبکەون".

ئەوەشی خستەڕوو "دەبێت یەکێتی و پارتی فراکسیۆنێکی گەورەی پەرلەمانی پێکبهێنن و دواتر ئەو فراکسیۆنە هاوبەشە سەردانی حزبەکان بکەن بۆ بەشداریکردن لە حکومەت، ئومید دەکەن لەم مانگەدا پێکهێنانی کابینەی نوێی حکومەت پێکبێت".

ب ح