مەودا میدیا-

سەرۆکی یەکێتیی نیشتمانیی کوردستان، بەبۆنەی جەژنی هەستانەوە پیرۆزبایی  لە خوشک و برایانی کریستیان لە عیراق و هەرێمی کوردستان دەکات

بافڵ جەلال تاڵەبانی, سەرۆکی یەکێتیی نیشتمانیی کوردستان رایگەیاند "هیوادارە ئەم بۆنەیە  ببێتەمایەی تەبایی و برایەتی زیاتر لە نێوان سەرجەم نەتەوە و پێکهاتەکانی عیراق و کوردستان".

دەقی پەیامەکەی سەرۆکی یەکێتی:

بەبۆنەی جەژنی هەستانەوە (قیامە)ـی حەزرەتی مەسیح (د. خ) پیرۆزبایی گەرم لە سەرجەم خوشک و برایانی کریستیان دەکەم و ئاواتەخوازم لە کەشێکی ئارام و شادیدا ئەم جەژنە بەڕێبکەن.
هیوادارم ئەم بۆنەیە، ببێتە مایەی تەبایی و برایەتی زیاتر لە نێوان سەرجەم نەتەوە و پێکهاتەکانی وڵاتەکەماندا و وێنای هەرێمەکەشمان کە هەمیشە مەڵبەندی پێکەوەژیانی ئایینی و نەتەوەیی و پێکهاتە جیاوازەکان بووە جوانتر و گەشاوەتری بکەین.

جەژنتان پیرۆز و هەر شادبن.

بافڵ جەلال تاڵەبانی
سەرۆکی یەکێتیی نیشتمانیی کوردستان

ب ح