مەودا میدیا-

ئەندامێکی پەرلەمانی عیراق ئاشکرایکرد زیندانیانی سیاسیی هەرێمی کوردستان، بە تایبەت وەجبەی (9 تاوەکو 15) ئەوانەی کە تاوەکو ئێستا مووچەی زیندانی سیاسی وەرناگرن  و فەرمانبەری حکومەتی هەرێمن، پێنج ساڵ خزمەتی وەزیفەیان لە دام و دەزگاکاندا بۆ درێژدەکرێتەوە.

چرۆ حەمە شەریف، ئەندامی لیژنەی شەهیدان لە پەرلەمانی عیراق بە مەودا میدیای راگەیاند "ئەو فەرمانبەرانە لەبری ئەوەی لە تەمەنی (60) ساڵیدا خانەنشین بکرێن لە تەمەنی (65) ساڵی خانەنشین دەکرێن و شایستەی ئەو خزمەتەن و پیرۆزیان بێت".

ئاماژەی بۆ ئەوەشکرد "وەک و لیژنەی شەهیدانی پەرلەمانی عیراق ، لە ماوەی ساڵی رابردوودا خوێندنەوەی یەکەم و دووەمیان بۆ هەمواری یاسای دامەزراوەی زندانییە سیاسیەکانی کردووە و لە هەوڵی بەردەوامدان بۆ ئەوەی لە چەند هەفتەی داهاتوودا دەنگ لە سەر هەموارەکە بدەن و سەرجەم زیندانیانی سیاسی هەرێمی کوردستان ( بەتایبەت ئەوانەی کە مووچەیان بۆ نەبەستراوە) بەتایبەت ترییش زندانیانی ئەنفال و قوربانیانی هەڵەبجە (ئەوانەی ساڵی 1988 ئاوارەی ئێران بوون )، بەماف و شایستە دارایەکانی خۆیان بگەن".

ب ح