مه‌ودا میدیا-

یاریده‌ده‌رى سه‌رۆكى حكومه‌تى هه‌رێم بۆ كاروبارى دارایی رایگه‌یاند، به‌غدا به‌رده‌وام مووچه‌ى فه‌رمانبه‌رانى هه‌رێم دواده‌خات، ده‌شڵێت، بڕیارى ناردنى پاره‌ ئه‌وه‌نده‌ گرنگ نییه‌؟

رێباز حه‌ملان، یاریده‌ده‌رى سه‌رۆكى حكومه‌تى هه‌رێم بۆ كاروبارى دارایی رایگه‌یاند "80 رۆژه‌ به‌غدا مووچه‌ى فه‌رمانبه‌رانى هه‌رێمى دواخستووه‌، بڕیارى ناردنى مووچه‌ى مانگى شه‌ش زۆر گرنگ نییه‌، با مانگانه‌ له‌كاتى خۆى بینێرن".

وتیشى "مه‌سرور بارزانى سه‌رۆكى حكومه‌تى هه‌رێم به‌رده‌وام فشار له‌ به‌غدا ده‌كات بۆ ئه‌وه‌ى ماف و مووچه‌ى خه‌ڵكى كوردستان ره‌وانه‌ بكرێت".

ئه‌وه‌شى خسته‌ڕوو "بۆ ناردنى مووچه‌ ده‌بێت هه‌رێم 120 ملیار دینارى داهاتى نانه‌وتى بداته‌ به‌غداو وه‌زاره‌تى دارایی هه‌رێمیش پاره‌ى ئاماده‌یه‌، سبه‌ینێ چوارشه‌ممه‌ بڕیاره‌كه‌ ده‌كرێت به‌ نوسراو، دواتر ره‌وانه‌ى وه‌زاره‌تى دارایی عیراق ده‌كرێت و دواتریش وه‌زاره‌تى دارایی هه‌رێم پاره‌كه‌ ده‌خاته‌ سه‌ر حسابى وه‌زاره‌تى دارایی عیراق".

ع