مەودا میدیا-

بەڕێوەبەرایەتی گشتیی هاتوچۆی سلێمانی ئاشکرایکرد سبەینێ کاتژمێر 10ی بەیانی کامێراکانی تۆمارکردنی تیژڕەوی لە بەشێکی تری شەقامەکانی سنووری پارێزگای سلێمانی دەکەونەکار.

بەڕێوەبەرایەتی گشتیی هاتوچۆی سلێمانی رایگەیاند "کامێراکانی رێگای نێوان سلێمانی – تاسڵوجە وە بە پێچەوانەوە (کامێراکانی تۆمارکردنی تیژڕەوی) دەکەونە کار و تۆمارکردنی سەرپێچی تیژڕەوی بە سیستمی One Point دەبێت".

ئاماژەی بۆ ئەوەشکرد "کامێراکانی رێگای نێوان سلێمانی – وارماوا ( زەرایەن ) بەهەمانشێوە دانراون ئەوانیش سزای سەرپێچی خێرایی تۆمار دەکەن بە سیستمی Point to Point بەپێی ئەو خێراییانەی دیاریکراوە لە رێگەی هێماکانی هاتووچۆوە".

ب ح