مەودا میدیا-
دوای گەیشتنی پرۆژەی كارەبای 24 كاتژمێری بە سەنتەری هەریەك لە پارێزگاكانی هەولێر و سلێمانی و دهۆك، بڕیارە لە كۆتایی ئەمساڵدا بگاتە سنوری ئیدارەی گەرمیانیش. 

ئومێد عەزیز، وتەبێژی وەزارەتی كارەبای هەرێم بە مەودا میدیای راگەیاند"تا ئێستا نازانرێت بە دیاریكراوی پرۆژەی رووناكی كەی دەگاتە گەرمیان، بەڵام پێدەچێت لە كۆتایی ئەمساڵدا بگاتە سنورەكە". 

سەبارەت بە دواكەوتنی پرۆژەكەش بە گەرمیان وتی"بەپێی ئەو بەرنامەیەی كە دایانناوە پێشتر پرۆژەكە دەگەیەنرێتە سەنتەری هەریەك لە پارێزگاكانی هەولێر، سلێمانی و دهۆك دواتر دەست بە شارەكانی تر دەكرێت، بۆیە هێشتا سەرەی گەرمیان نەهاتووە". 

ئاماژەی بۆ ئەوەش كرد"لەبەرئەوەی هەڵەبجەش بووە بە پارێزگا، بۆیە ئەوێش دەكەوێتە پێش گەرمیان و دوای ئەو شارە بە ئەگەرێكی زۆرەوە لە كۆتایی ئەمساڵدا پرۆژەكە دەگاتە گەرمیانیش". 
ئ پ