مەودا میدیا-
لە پارێزگای نەینەوا پایكەری گایەكی باڵدار دۆزرایەوە كە پێشبینی دەكرێت مێژووەكەی بۆ نزیكەی 2700 ساڵ پێش ئێستا بگەڕێتەوە. 
 
بەپێی وتەی بەرپرسانی شوێنەواری نەینەوا"لە لێكۆڵینەوە سەرەتاییەكاندا دەركەوتووە كە مێژووی ئەو پارچە شوێنەوارییە بۆ نزیكەی 2700 ساڵ پێش ئێستا دەگەڕێتەوە كە لە سەردەمی ئیمپراتۆریەتی ئاشووری و سەردەمی شا ئەسرحەدۆندا بووە". 

پەیكەری ئەو گایە دووەم جوانترین گای باڵدارە كە لە بەرد دروستكراوەو لە مزگەوتی پێغەمبەر یونس (د.خ) لە كۆشكی شا ئەسرحەدۆنە لەلایەن لیژنەی هاوبەشی عیراقی - ئەڵمانییەوە دۆزراوەتەوە، ئەویش دوای ئەوەی گای باڵداری یەكەم لە هەمان شوێن لە نەوەدەكانی سەدەی رابردوو دۆزرایەوە.

ئەحمەد فەكاك بەدرانی، وەزیری رۆشنبیریی عیراق، ئاماژەی بۆ ئەوەكردووە"ئەو پەیكەرە گەورەترین پەیكەری گای باڵدارە لە مێژووی دەوڵەتی ئاشووریدا كە تا ئێستا دۆزراوەتەوە كە بەرزییەكەی نزیكەی شەش مەتر دەبێت". 
ئ پ