مەودا میدیا-

سەرۆکی هاوپەیمانی دەوڵەتی یاسا ئاشکرایکرد ئەگەر هەڵبژاردنی پەرلەمانی عیراق لەوادەی دیاریکراوی خۆیدا ئەنجامنەدرێت مەترسییەکی گەورە روودەدات.

نوری مالیکی، سەرۆکی هاوپەیمانیی دەوڵەتی یاسا رایگەیاند "سندوقەکانی دەنگدان، دەرگا بەڕووی دیکتاتۆریەت و رەگەزپەرستی و تائیفەگەری و پەراوێزخستن دادەخەن".

ئاماژەی بۆ ئەوەشکرد "دەنگی دەنگدەران دیاری دەکات کە ئایا حکومەتی ئێستا لە دەسەڵاتدا دەمێنێتەوە یان دەگۆڕدرێت، هیچ بەندێک لە دەستووردا نییە بە ناوی حکومەتی فریاکەوتن".

ئەوەشی خستەڕوو " دەوڵەتی یاسا و  بەشێک لە هێزە سیاسییەكان پێداگربوون لەسەر ئەنجامدانی هەڵبژاردن، چونکە هەڵبژاردن ئەو دەروازەیەیە لە رێگەیەوە حکومەت و پەرلەمان پێکدەهێنرێت".

ب ح