مەودا میدیا-
بەشێكی زۆر لە هاوڵاتییانی هەرێمی كوردستان قەرزی كەڵەكەبووی كارەبایان لایە و بەرپرسێكی كارەباش دەڵێت رەنگە رۆژێك بەهۆی زۆری قەرزەكانەوە كارەبای هاوڵاتییان ببڕن. 

عەلی محەممەد، بەڕێوەبەری گشتیی كارەبای ئیدارەی سەربەخۆی راپەڕین، راگەیاند "تا ئێستا بڕیاری داشكاندنی 20%ی قەرزەكانی هاوڵاتییان هەر ماوە و هەركەسێك سەرجەم قەرزەكانی بداتەوە لەو رێژە داشكاندنە سوودمەند دەبێت".

وتیشی "بەشێكی زۆر هاڵاتییان قەرزی كەڵەكەبووی كارەبایان لەسەرە، بۆیە ئەوان ئەو پەیامەیان بە هاوڵاتییان گەیاندووە قەرزەكان بگەڕێننەوە و سوودمەندبن لە داشكاندنی رێژەی 20%ی قەرزە كەڵەكەبووەكان". 

هاوكات بەڕێوەبەرایەتیی گشتیی كارەبای راپەڕین لە راگەیێندراوێكدا هۆشداری ئەوەی داوەتە  ئەو كەسانەی قەرزی كەڵەكەبووی كارەبایان لەسەرە كە رەنگە رۆژێك بەهۆی زۆربوونی قەرزەكانیانەوە كارەبایان ببڕدرێت. 
ئ.پ