مه‌ودا میدیا-

ئێواره‌ى ئه‌مڕۆ سێشه‌ممه‌، فڕۆكه‌ى بێ فڕۆكه‌وانى توركیا بۆردوومانى شارباژێرى كرد.

كامه‌ران حه‌سه‌ن، قائیمقامى قه‌زاى ماوه‌ت به‌ مه‌ودا میدیاى راگه‌یاند "پاش نیوه‌ڕۆى ئه‌مڕۆ سێشه‌ممه‌، نزیك بانگى عه‌سر، به‌ فڕۆكه‌ى بێ فڕۆكه‌وان بۆردوومانى نزیك گوندى باساوێى سه‌ر به‌ قه‌زاى ماوه‌ت كراوه‌".

وتیشى "بۆردوومانه‌كه‌ هیچ زیانێكى گیانى نه‌بووه‌، هه‌روه‌ها ئاگریش نه‌كه‌وتووه‌ته‌وه‌، زانیارییه‌كیش نییه‌ ئایا بۆردوومانه‌كه‌ ئامانجى پێكاوه‌ یان نا".

توركیا له‌ ماوه‌ى مانگێكدا زیاتر له‌ 300 جار بۆردوومانى هه‌رێمى كوردستانى كردووه‌ و زۆرترین بۆردوومانیش له‌سنورى هه‌ولێر و دهۆك بووه‌.