مه‌ودا میدیا-

رۆژى شه‌ممه‌ 17ى ئابى 2024، تاقیكردنه‌وه‌ى وزارى پۆلى 12ى ئاماده‌یی به‌ سه‌رجه‌م به‌شه‌ جیاوازه‌كانه‌وه‌ بۆ خولى دووه‌م ده‌ستپێده‌كات و په‌روه‌رده‌ى سلێمانیش رایده‌گه‌یه‌نێت سه‌رجه‌م ئاماده‌كارییه‌كانیان كردووه‌ و هیچ گرفتێك نییه‌ بۆ به‌ڕێوه‌چوونى پرۆسه‌كه‌".

مامۆستا عومه‌ر محه‌مه‌د، یاریده‌ده‌رى به‌ڕێوه‌به‌رى گشتی په‌روه‌رده‌ى سلێمانى بۆ مه‌ودا میدیا رایگه‌یاند "سه‌رجه‌م ئاماده‌كارییه‌كانیان بۆ به‌ڕێوه‌چوونى تاقیكردنه‌وه‌ى خولى دووه‌مى وزارى پۆلى 12ى ئاماده‌یی ئه‌نجام داوه‌".

وتیشى "هیچ گرفتێكیان نییه‌ و دوو سبه‌ى رۆژى شه‌ممه‌، كاتژمێر 7:30ى خوله‌كى به‌یانى تاقیكردنه‌وه‌ ده‌ستپێده‌كات".

ئاماژه‌ى به‌وه‌شكرد "سبه‌ى، شه‌وى هه‌ینی له‌سه‌ر شه‌ممه‌، پرسیاره‌كانیش له‌ هه‌ولێره‌وه‌ ده‌هێنین بۆ سلێمانى".

پ ح ع