مەودا میدیا-

ئاسایشی سلێمانی دەستی بەسەر زیاتر لە سێ تۆن ماددەی هۆشبەردا گرتووەو بەراورد بە ساڵی رابردووە بڕەکەی کەمیکردووە.

ئاسایشی سلێمانی رایگەیاند "ئەمساڵ هەزار و 19 کەس دەستگیركراون كە تەمەنیان لەنێوان 18 بۆ 64 ساڵدایە و لەناو دەستگیرکراوەکاندا كچ و ژن بوونی هەیە".

ئاماژەی بۆ ئەوەشکرد "لەسەر كەیسی كارگەی ماددە هۆشبەرەكەی گەرمیان، پێنج كەس دەستگیركراون، كە لە عەرەب و خەڵكی سوریا پێکهاتوون".

ئەوەشی خستەڕوو "بەراورد بە ساڵی 2023، هاوردە كردن و دەستبەسەردا گرتنی ماددەی هۆشبەری كەمیكردووە".

ئەمە لە کاتێکدایە، ساڵی رابردوو، ئاسایشی سلێمانی، ئاشکرای کرد کە  دەستی بەسەر بڕی سێ تۆن و 24 كیلۆگرام ماددەی هۆشبەری جۆراوجۆردا گرتووە.

ب ح