مه‌ودا میدیا-

ده‌زگاى ئاسایشى هه‌رێم بڵاویكرده‌وه‌، دوو بازرگانى مادده‌ى هۆشبه‌ریان ده‌ستگیركردووه‌ و ده‌ستیشیان به‌سه‌ر چه‌ندین جۆر مادده‌ى هۆشبه‌ر گرتووه‌.


دەزگای ئاسایشی هەرێم، دەستگیرکردنی دوو بازرگانی ماددەی هۆشبەر ڕادەگەیەنێت.

لەشەوی ٢٠٢٤/١٢/١٢ بەڕێوەبەرایەتی نەهێشتنی ماددە هۆشبەرەکان بەهاوکاری بەڕێوەبەرایەتی ئاسایشی شارەزوور، لەئەنجامی لێکۆڵینەوە و بەدواداچوون و لەسەر بنەمای زانیاری و چاوودێری وورد بەبڕیاری بەرێز دادوەری لێکۆڵینەوە ئاسایش، توانیان دوو بازرگانی ماددەی هۆشبەر لەناحیەی (خورماڵ)دەستگیربکرێن و بڕی ( ٢٠،٩٦٥) بیست کیلۆ و نۆسەد و شەست و پێنچ گرام ماددەی هۆشبەر لەجۆری (کریستاڵ) دەستیبەسەردا بگیرێت، بازرگانان ئامانجیان بووە ماددەکان لەپارێزگاکانی هەرێم و عێراق ساغ بکەنەوە.

لەئێستادا تۆمەتباران بەماددەی (٢٥)لەیاسای بەرەنگاربوونەوەی ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسیەکانیان بەردەوامە.