مەودا میدیا-

ئەمڕۆ شەممە 2024/12/21، له‌ سنووری قه‌زای ده‌ربه‌ندیخان ته‌رمی كه‌سێك دۆرزراوه‌ته‌وه‌، كه‌ هیچ ناسنامه‌یه‌كی لا نییه‌.

سەرچاوەیەک لە بەڕێوەبەرێتی پۆلیسی قەزای دەربەندیخان بە مەودا میدیای راگەیاند "هێزەکانیان لە بوونی تەرمێکی نەناسراو لە پشت توونێلی شارەکە ئاگادار کراونەتەوە و مەفرەزەیەکیان چوونەتە شوێنی رووداوەکە".

ئاماژەی بۆ ئەوەشکرد "تەرمەکە ئاسەواریی هیچ جۆره‌ گولله یان ئەشکەنجەی و برینێك‌ پێوە نەبووە".

ئەوەشی خستەڕوو "تەرمەکە نەناسراوەتەوە هیچ پێناسێکی پێ نییە و  رەنگە هاوڵاتیی بیانی بێت و لێکۆڵینەوەکانیان لە رووداوەکە بەردەوامە".

ب ح