مه‌ودا میدیا-

قه‌یرانى دارایی بووه‌ته‌ رێگر له‌ جێبه‌جێكردنى پرۆژه‌ى نوێ و پێشكه‌وتنى وڵات و له‌ ئێستادا وه‌زاره‌تى گواستنه‌وه‌ و گه‌یاندن ئه‌گه‌رچى پلانى پرۆژه‌ى سیتى پاصى هه‌یه‌ كه‌ به‌ سیستمى نوێ كار ده‌كات و كار ئاسانییه‌كى زۆر بۆ هاوڵاتییان ده‌كات، به‌هه‌مان هۆكار ناتوانن پرۆژه‌كه‌ جێبه‌جێبكه‌ن.

صدیق محه‌مه‌دغه‌ریب، به‌رێوه‌به‌رى گواستنه‌وه‌ى پارێزگاى سلێمانى بۆ مه‌ودا میدیا رایگه‌یاند "له‌ ئێستادا وه‌كو وه‌زاره‌تى گواستنه‌وه‌ و گه‌یاندن پلانی جێبه‌جێكردنى پرۆژه‌ى سیتى پاصیان بۆ شارى سلێمانى هه‌یه".

وتیشى "‌له‌ پرۆژه‌كه‌دا ژماره‌یه‌ك پاصى گه‌وره‌ و مۆدێڕن ده‌هێنن كه‌ هێڵكارى ته‌واوى گه‌ڕه‌كه‌كانى سلێمانى بكات، پاصه‌كان به‌ سیستمى نوێ و مۆدێڕن كار ده‌كه‌ن".

ئاماژه‌ى به‌وه‌كرد "به‌ڵام به‌هۆى نه‌بوونى بودجه‌ى پێویست بۆ جێبه‌جێكردنى، پرۆژه‌كه‌یان راگرتووه‌ و چاوه‌ڕوانن به‌ باشتربوونى بارى دارایی حكومه‌تى هه‌رێمى كوردسان، پرۆژه‌كه‌ بخه‌نه‌ بوارى جێبه‌جێكردنه‌وه‌".

پ ح ع