مەودا میدیا-

ئەمڕۆ دووشەممە 2024/12/23، دادگاى فیدراڵى عیراق، گفتوگۆ لەبارەى دوو دۆسیە دەکات، کە سکاڵاکار پێشتر خالید مستەفا، دوو سکاڵاى لەسەر سەرۆکى پەرلەمانى کوردستان تۆمارکردووە، کە وەزارەتەکانی کاروباری شەهیدان و ئەنفالکراوان و ئەوقاف و کاروباری ئاینیی لە هەرێمی کوردستان نادەستووریین.

بەپێی زانیارییەکان، سکاڵاکار داوایکردووە، وەزارەتەکانى کاروبارى شەهیدان و ئەوقافى هەرێم هەڵبوەشێندرێنەوە و بکرێنە دەستە و فەرمانگەیەکى سەربە ئەنجومەنى وەزیرانى هەرێمى کوردستان.

سکاڵاکارەکە رایگەیاندووە "بەپێی یاسای ژمارە 11ی ساڵی 2007، وەزارەتی ئەوقاف و کاروباری ئاینی و یاسای ژمارە 8ی ساڵی 2006، وەزارەتی کاروباری شەهیدان و ئەنفالکراوان لە هەرێم نادەستووریین، پێویستە  پەرلەمان و حکومەتی هەرێم پابەند بکرێن بە پێکهێنانی دەستەیەک بەناوی دامەزراوەی شەهیدان و فەرمانگەی ئایینی بۆ مەزهەب و ئایینە جیاوازەکان".

ب ح