مه‌ودا میدیا-

کەشناسی هەرێم رایده‌گه‌یه‌نێت "ئەمڕۆ ئاسمان نیمچەهەور دەبێت و لە هەندێک ناوچەی سنووری هەولێر و دهۆک نمەباران دەبارێت، پلەکانی گەرما کەمێک بەرز دەبنەوە".

به‌ڕێوه‌به‌رایه‌تیی گشتیی کەشناسی و بوومه‌له‌رزه‌زانیی هەرێمى كوردستان رایگه‌یاندووه‌ "ئەمڕۆ سێشەممە، ئاسمان نیمچەهەور دەبێت، لەگەڵ بارینی نمەباران لە ناوچە شاخاوییەکان و هەندێک ناوچەی سنوورى پارێزگاى دهۆک و پارێزگاى هەولێر لەهەندێ کات".

راشیگه‌یاندووه‌ "پلەکانی گەرما کەمێک بەرز دەبنەوە بەراورد بە تۆمارکراوەکانى دوێنێ".

سه‌باره‌ت به‌ سبەینێ چوارشەممەش، ئاماژه‌ى به‌وه‌كردووه‌ "ئاسمان ساماڵ دەبێت لە هەندێ کات پەڵەهەور دەبێت، پلەکانی گەرما بەرز دەبنەوە بە یەک پلە بەراورد بە تۆمارکراوەکانى ئەمڕۆ".

بەرزترین پلەکانی گەرمای پێشبینیکراو بە پلەی سیلیزی:

هەولێر: 18 پلەى سیلیزى

سلێمانی: 17 پلەى سیلیزى

دهۆک: 17 پلەى سیلیزى

کەرکوک: 19 پلەى سیلیزى

هەڵەبجە: 17 پلەى سیلیزى

زاخۆ: 18 پلەى سیلیزى

حاجی ئۆمەران: 10 پلەى سیلیزى

سۆران: 15 پلەى سیلیزى

گەرمیان: 21 پلەى سیلیزى

پ ح ع