مەودا میدیا-

سبه‌ینێ پێنجشه‌ممه‌وه‌ شه‌پۆلێكی به‌فر و بارانبارین ناوچه‌ جیاجیاكانی هه‌رێم ده‌گرێته‌وه‌ و پێشبینی دەکرێت خێرایی با له‌ هه‌ندێك ناوچه‌ بگاته‌ نزیكه‌ی 75 كیلۆمه‌تر له‌كاتژمێرێكدا.

شاڵاو هیدایه‌ت، شاره‌زای بواری كه‌شناسیی بە مەودا میدیای راگەیاند "له‌ ئه‌نجامی كاریگه‌ریی نزمه‌ پاڵه‌ په‌ستۆی ده‌ریای ناوه‌ڕاست و تێكه‌ڵبوونی بە بڕێك شێی ده‌ریای سوور، ناوچه‌كه‌ دەكه‌وێته‌ ژێر كاریگه‌ریی شه‌پۆلێكی به‌فر و بارانبارین".

ئاماژەی بۆ ئەوەشکرد "پێشبینی دەکرێت کاریگەریی شەپۆلەکە تاوەکو رۆژی شه‌ممه‌ 2024/12/28، بمێنێته‌وه‌،وە هەروەها شه‌وی شه‌ممه‌ له‌سه‌ر یه‌كشه‌مه‌ كاریگه‌ریی شه‌پۆله‌كه‌ به‌ته‌واوی كۆتایی دێت".

ئەوەشی خستەڕوو "پێشبینی دەکرێت خێرایی با له‌ هه‌ندێك ناوچه‌ بگاته‌ نزیكه‌ی 75 كیلۆمه‌تر له‌ كاتژمێرێكدا، مه‌ترسی هەیە زیان بە هه‌ندێك جۆر لە دره‌ختەکان بگەیەنەێت".

ب ح