مه‌ودا میدیا-

دواى ئه‌وه‌ى ئه‌مڕۆ سێشه‌ممه‌، توركیا بۆردوومانى چه‌ند ناوچه‌یه‌كى هه‌رێمى كرد به‌هۆیه‌وه‌ بریندارى لێكه‌وتووه‌ته‌وه‌.

كامه‌ران عوسمان، به‌ڕێوه‌به‌رى رێكخراوی مافى مرۆڤى سى پى تى ئه‌مه‌ریكى بڵاویكرده‌وه‌ "لە کاتژمێر 2:50 خولەکی  دوانیوەڕۆی ئەمڕۆ سێشه‌ممه‌، سوپای تورکیا تۆپبارانی گوندی سەرگەلێی کرد لە قەزای ئامێدی لە پارێزگای دهۆک".

باسى له‌وه‌شكردووه‌ "بەهۆی تۆپبارانەکانەوە، هاوڵاتییەکی مەدەنی بە ناوی محەمەد حەمید رەحمان، تەمەن 37 ساڵ، خەڵکی سوریا، کە پیشەی کرێکارییە برینداربووه‌".

لە ماوه‌ى ساڵى 2024، 23 هاوڵاتیی مەدەنی بەهۆی بۆردوومان و لەشکرکێشییەکانی سوپای تورکیا شەهید و برینداربوون بە جۆرێک، ١٨ هاوڵاتیی شەهید و 5 هاوڵاتیی تر برینداربوون.

ع