مه‌ودا میدیا-

ئاژانسی هەواڵی فرانس پرێس بڵاویكرده‌وه‌ "سەرۆكی ته‌حریرشامى سوریا، ئەحمەد شەرع، لەگەڵ نوێنەرانی هێزەكانی سوریای دیموكرات كە كوردەكان سەرۆكایەتی دەكەن كۆبووەتەوە، ده‌وترێت كۆبونەوەكە ئەرێنی بووە. 

ئه‌حمه‌د شه‌رع ناسراو به‌ ئه‌بو محه‌مه‌د جۆلانى، سه‌رۆكى حكومه‌تى كاتى سووریا كۆبونەوەكەی لەگەڵ سەركردەكانی سوریای دیموكرات كە رۆژی دووشەممە بەڕێوەچووە، بە یەكەم كۆبونەوە دادەنرێت لە دوای روخانی رژێمی بەشار ئەسەد لەسەرەتای ئەم مانگەدا".

ئاژانسه‌كه‌ له‌زارى به‌رپرسێكى باڵا وتویه‌تى "كۆبونەوەكە زەمینەسازی بووە بۆ داڕشتنی بنەمای گفتوگۆكانی ئایندەو هەردوولا رێككەوتون لەسەر درێژەدان بە كۆبونەوەكان بۆ گەیشتن بە لێكتێگەیشتن لە ئایندەدا".

هه‌روه‌ها "كۆبونەوەكەی بە ئەرێنی وەسفكردووەو  لەئایندەدا گفتوگۆو كۆبونەوەكان چڕتر دەكرێنەوە".

ع