مەودا میدیا-

ئەمڕۆ دووشەممە 2025/1/6، بەڕێوەبەرایەتی کەشناسیی و بوومەلەرزانی هەرێم، کەشى پێشبینیکراوى 48 کاتژمێرى داهاتووی بڵاوکردەوە.

رایگەیاند "ئەمڕۆ بە گشتیى ئاسمان نیمچە هەور دەبێت، ئەگەرى بارینی نمەباران هەیە  لەسەر هەندێ ناوچەى شاخاویی بەتایبەتى لە سنوورى پارێزگاى سلێمانى و بەشێک لە سنوورى پارێزگاى هەولێر، لەگەڵ دروستبوونى تەم لەسەر هەندێ ناوچەى شاخاویی، وە هەروەها پلەکانی گەرما نزیک دەبێتەوە لە تۆمارکراوەکانى دوێنێ، خێراى با لەسەرخۆ بۆ مامناوەند دەبێت ( 5 بۆ 15) کم لە کاتژمێرێکدا، مەوداى بینینیش لەنێوان (  8 بۆ 10 ) کم دەبێت".

ئاماژەی بۆ ئەوەشکرد "سبەینێ سێشەممە، ئاسمان بە گشتیى نیمچە هەور دەبێت و پلەکانی گەرما کەمێک بەرز دەبێتەوە بەراورد بە تۆمارکراوەکانى ئەمڕۆ، وە هەروەها خێراى با لەسەر خۆ دەبێت ( 5 بۆ 10 ) کم لە کاتژمێرێکدا، مەوداى بینینیش لەنێوان ( 9 بۆ 10 ) کم دەبێت".

کەشناسیی، بەرزترین پلەکانی گەرمای پێشبینیکراوی بەمشێوەیە لەنێوان شار و ناوچەکاندا خستووەتەڕوو

هەولێر - 15 پلەى سیلیزىیە
سلێمانی - 13 پلەى سیلیزىیە
کەرکوک - 17 پلەى سیلیزىیە
دهۆک  - 14 پلەى سیلیزىیە
هەڵەبجە - 13  پلەى سیلیزىیە
گەرمیان - 18 پلەى سیلیزىیە
سۆران - 12 پلەى سیلیزىیە
زاخۆ - 14 پلەى سیلیزىیە

ب ح