مه‌ودا میدیا-

په‌رله‌مانتارێكى كوردستان رایده‌گه‌یه‌نێت "تائێستا هیچ ئاسۆیه‌ك نییه‌ بۆ هەڵبژاردنی دەستەی سەرۆکایەتی و دەستبەکاربوونی پەرلەمان و ئه‌وه‌ى ئێستا په‌رله‌مانى پێدا تێده‌په‌ڕێت نایاساییە و پەرلەمانی دیزاینکراو دەبێت هەڵبووەشێتەوە".

عومه‌ر گوڵپى، ئه‌ندامى په‌رله‌مانى كوردستان بۆ مه‌ودا میدیا رایگه‌یاند "هیچ ئاسۆیەک بۆ هەڵبژاردنی دەستەی سەرۆکایەتی و دەستبەکاربوونی پەرلەمان نییە، ئەوەی کرا لە سوێندخواردنی پەرلەمانتاران و دەستەی سەرۆکایەتی هەڵنەبژێردراو کۆبوونەوەکە کرایە پشوو".

وتیشى "ئه‌وه‌ش کارێکی نایاساییە و نەدەبوو پەرلەمان بخرێتە پشووه‌وه‌".

ئاماژه‌ى به‌وه‌شكرد "ئەو کارە تەنها بۆ پاراستنی پەرلەمان بوو لە هەڵوەشانەوە و دووبارە کردنەوەی هەڵبژاردن، ئەوەی ئێستا هەیە کارێکی نایاساییە و پەرلەمانی دیزاینکراو دەبێت هەڵوەشێتەوە و دووبارە هەڵبژاردن بکرێتەوە".

پ ح ع