مەودا میدیا-

فەرماندەی گشتیی هێزەکانی سوریای دیموکرات، سەبارەت بە یەکخستنەوەی گرووپە چەکدارەکان لە سوریا دووپاتیدەکاتەوە کە بەبێ دانوستان کێشەیەکی گەورەیە.

مەزڵوم عەبدی،فەرماندەی گشتیی هێزەکانی هەسەدە رایگەیاند "پێشنیاریانکردووە لیژنەیەکی سەربازیی بۆ یەکخستنەوەی گرووپە چەکدارەکان لە سوریا پێکبهێندرێت".

ئاماژەی بۆ ئەوەشکرد "کۆبوونەوەی ئەحمەد شەرع لەگەڵ گرووپە چەکدارەکان بۆ ئەوان گرنگ نییە، بەڵام یەکخستنەوەی گرووپەکان بەبێ دانووستان کێشەیەکی گەورەیە".

ئەوەشی خستەڕوو "هێزەکانی سووریای دیموکرات، چەک و درۆنیان لە ئێران وەرنەگرتووە، وە هەروەها بوونی هێزەکانی ئەمەریکا بۆ رێگریی لە سەرهەڵدانەوەی داعش و تیرۆر گرنگە".

ب ح